هشام ميعاري: بدنا حقوق اللاجئين أو رح نبقى معتصمين

طالب الناشط الفلسطيني هشام ميعاري مدير الأونروا في لبنان ماتيوس شمالي بالتراجع عن القرار التعسفي بحق الشعب الفلسطيني واعطاء اللاجئ الفلسطيني كامل الحقوق بالطبابة والتعليم والاستشفاء، مردداً عدة هتافات في الاعتصام الذي جرى اليوم الأربعاء لليوم الثالث على التوالي أمام عيادة الأونروا في مخيم برج الشمالي احتجاجاً على قرار الأونروا بتقليص خدماتها الصحية، وكان الهتاف على الشكل التالي:

-ما بدن يعطوا تحويل كلو لخدمة اسرائيل

-حاجي تقولوا الميزانية بدنا 100 بالمية

-بدن ينهوا هالخدمات و يقولوا فلسطيني و مات

-عالمستشفى بدنا نفوت نحنا شعب ما بموت.

-بدنا نأضرب شو ما صار حتى يلغوا هالقرار

-يا شمالي بيكفينا، بعتوك لتقضي علينا، نازل فينا تقليصات بدك تنهي هالخدمات

-يا شمالي قول لسيدك فلسطيني رح يكسر ايدك

-بدك تلغي هالقرارات او بنصعد الاعتصامات.

-يا اونروا شو ما صار، ما رح ندفع و لا دولار.

-بدن يانا منكسرين، نحنا شعب الجبارين.

-شوفوا بعمر شو الي صار، من بعد هالقرار.

عمر ولع بحالو، و الشمالي و لا على بالو

همو يخدم اسرائيل يا شمالي يا عميل.

-خلي العالم كلو يشوف الانروا عالمكشوف.

-كل العالم مع عمر، يا اونروا يا حجر.

-خلي العالم كلو يسمع، عن قرارنا ما رح نرجع.

-لا بنكل و لا بنمل الاعتصامات هي الحل.

-بدنا حقوق اللاجئين او رح نبقى معتصمين.